لكه د خوبه چې بيدار شي سړى
مينه چې وكړي نو هوښيار شي سړى
د چا د سترګو نه چې وغورځېږي
لكه د غره نه راګزار شي سړى
د سائينسي دور به څه مينه وي
څنګه د عقل نه اوزګار شي سړى
د ژوند خوندونه ټول په مينه كښې وي
چې محبت نه كوي خوار شي سړى
د تنهايۍ په جزيرو كښې اكثر
له خپله ځانه هم ويزار شي سړى
د ژوند مزل ورته بلا اسان شي
چې اباسين غوندې خود دار شي سړى
لكه د خوبه چې بيدار شي سړى
![لكه د خوبه چې بيدار شي سړى]()
Reviewed by Anonymous
on
20:38
Rating:
No comments: