ما چې مړ كښې انتقام به له چا اخلې
اوس مې وژنې كه واپس دې سزا اخلې؟
لكه شمعه دې بلېږمه په زړه كښې
په قلاره! مړ مې نه كړې چې ساه اخلې
محبت به درته جوړ كړي فسادونه
غزونې به جانانه سبا اخلې
چې بينا دې كړمه ګل دې راله وښود
دا نظر ولې په بېرته له ما اخلې
بې له لمره د سپوږمۍ په مخ تيارې وي
ته زما د پلوشو نه رڼا اخلې
په خلوص باندې خرڅېږمه په زر نه
دې د خټو، ګټو كور كښې كه ما اخلې؟
كه د مينې په ګوهر پسې لټون كړې؟
اباسين ته به وردانګې كه را اخلې
ما چې مړ كې انتقام به له چا اخلې
![ما چې مړ كې انتقام به له چا اخلې]()
Reviewed by Anonymous
on
20:50
Rating:
No comments: