چرته دے د قام د زړه درمان چرته دے
سر چې ترېنه کړې ځاز هغه ځوان چرته دے
ستاسو جنازو کښې قتلِ عام اوشو کنه ؟
ظلم د جماعت پۀ در او بام اوشو کنۀ ؟
جبر مو د دين دنيا د قام اوشو کنۀ ؟
تاسو احتجاج کړو ؟
نۀ
ولې ؟؟؟
ستاسو د رښيا وئيلو توان چرته دے ؟
تاسو کښې پښتو چرته ايمان چرته دے ؟
ستاسو پۀ زرګونو مئيندې پورې شوې کنه ؟
خويندې پۀ ژړا ژړا رنځورې شو کنه ؟
کونډې پۀ خيرات غوښتو مجبورې شوې کنه ؟
تاسو احتجاج کړو ؟
نۀ
ولې ؟؟؟
نشته ګجو خان او باکو خان چرته دے
تاسو کښې پښتو چرته ايمان چرته دے ؟
ستاسو پۀ جنجونو بمبارې اشوه کنه ؟
ستاسو پۀ جرګو کښې خونريزې اشوه کنه ؟
ستاسو د حجرو بے حرمتې اوشوه کنه ؟
تاسو احتجاج کړو ؟
نۀ
ولې ؟؟؟
کم دے ملتان خان او عجب خان چرته دے ؟
تاسو کښې پښتو چرته ايمان چرته دے ؟
کور ته دښمنان درننوتلې دې کنه ؟
ستسو ئي پۀ غوږ شپيلۍ ايخلې دې کنه ؟
ستاسو ئي خوبونه تختولې دې کنه ؟
تاسو احتجاج کړو ؟
نۀ
ولې ؟؟؟
نشته د جندول عمراخان چرته دے ؟
تاسو کښې پښتو چرته ايمان چرته دے ؟
وينې مو پۀ کپل کور کښې ارزانې شوې کنه ؟
کډې مو پۀ نيمو شپو روانې شوې کنه ؟
ستاسو د بچو مدرسې ورنې شوې کنه ؟
تاسو احتجاج کړو ؟
نۀ
ولې ؟؟؟
ورک شو دريا خان او ايمل خان چرته دے ؟
تاسو کښې پښتو چرته ايمان چرته دے ؟
ستاسو د تاريخ نښې ئي ورکې کړې کنه ؟
تاسو ته ئي خپلې درنې سپکې کړې کنه ؟
هر خوا ته ئي کرکې کرکې کرکې کړې کنۀ ؟
تاسو احتجاج کړو ؟
نۀ
ولې ؟؟؟
راوړۍ پير روښان او باچه خان چرته دے ؟
تاسو کښې پښتو چرته ايمان چرته دے ؟
قام د مغل خيلو نۀ ويزار او کنه ؟
دلته هر تور مخے زمونږ پلار دے او کنه ؟
دلته د شين سترګو اقتدار دے او کنه ؟
تاسو احتجاج کړو ؟
نۀ
ولې ؟؟؟
راولۍ سر تور ملا مستان چرته دے ؟
تاسو کښې پښتو چرته ايمان چرته دے ؟
دلته کښې وګړې پۀ ځان شوې دې کنه ؟
خلق د قيامت پۀ ارمان شوې دې کنه ؟
دلته کښۀ زمرې ګيدړان شوې دې کنه ؟
تاسو احتجاج کړو ؟
نۀ
ولې ؟؟؟
ويخ چې پښتانه کښې خوشحال خان چرته دے ؟
تاسو کښې پښتو چرته ايمان چرته دے ؟
چرته دے د قام د زړه درمان چرته دے
سر چې ترېنه کړې ځاز هغه ځوان چرته دے
ماته د ريښتيا وئيلو هر مرام معلوم دے
ماته د منصور او د سقرات انجام معلوم دے
چرته دے د قام د زړه درمان چرته دے
![چرته دے د قام د زړه درمان چرته دے]()
Reviewed by Anonymous
on
09:59
Rating:
No comments: