زما د زړۀ او ستا د اننګو رنګونه يو دې
ته ګوره د ګلاب او د لمبو رنګونه يو دې
ښکارېږې چې هم ددې دنيا سوچه اولاد ی
د خاورې او د ټولو پښتنو رنګونه يو دې
دا دواړه رور او خور دې د يوې څانګې ګلونه
دا ځکه د اسلام او د پښتو رنګونه يو دې
پيچوکی نه کمڅۍ شته نه شمله نه ګيره بريت
دا څۀ وشو د پيغلو او ځلمو رنګونه يو دې
زما د وطن خلق ئې تميز کولی نۀ شې
د قام د رهبرانو او دغلو رنګونه يودې
دا ځکه اباسين ته بله لاره نۀ ښکاريږې
چې زير شي د اسمان او د ابو رنګونه يودې
زما د زړۀ او ستا د اننګو رنګونه يو دې
![زما د زړۀ او ستا د اننګو رنګونه يو دې]()
Reviewed by Wasimdarbar
on
09:41
Rating:
No comments: